भ्रुण हत्या प्रकरण : गाउँपालिका अध्यक्ष ५५ हजार धरौटीमा रिहा

198

पाँचथर । भ्रुण हत्या प्रकरणमा संलग्न रहेको आरोप लागेका पाँचथर कुम्मायक गाँउपालिका अध्यक्ष जयबहादुर चेम्जोङ धरौटीमा रिहा भएका छन् । पाँचथर जिल्ला अदालतका न्यायाधीश मोहनराज भट्टराईको इजलासले अध्यक्ष चेम्जोङलाई ५५ हजार रुपैयाँ धरौटी लिएर रिहा गर्न आदेश दिएको हो । कुम्मायक गाउँपालिका ५ का रमेश खड्कासँगको प्रेम विवाहपछि बसेको २१ हप्ताको गर्भ पतनका लागि अध्यक्ष चेम्जोङले दबाब दिएको भन्दै अध्यक्ष चेम्जोङसहित सात जनाविरुद्ध स्थानीय एक किशोरीले प्रहरीमा जाहेरी दिएकी थिइन् ।

भु्रण हत्या प्रकरणमा संलग्न रहेको आरोपमा पक्राउ परेका तीन जना स्वास्थ्यकर्मी यसअघि नै ८०/८० हजार रुपैयाँ धरौटीमा रिहा भइसकेका छन् ।फरार रहेका अध्यक्ष चेम्जोङसहित अन्य प्रतिवादीका नाममा अदालतले ३५ दिने पक्राउ पुर्जी जारी गरेको थियो । बिहीबार अदालतमा हाजिर हुन आउनुभएका अध्यक्ष चेम्जोङको बयान र कानुन व्यवसायीको बहसपछि अदालतले उहाँलाई धरौटीमा रिहा गरेको हो । गाँउपालिका अध्यक्षको दबाबमा गएको पुस २६ गते भु्रण हत्या गराइएको भन्दै माघ २२ गते पीडितले जाहेरी दिएकी थिइन् ।

LEAVE A REPLY

Please enter your comment!
Please enter your name here