काठमाडौं – नेपाली खेलकुद हेर्ने नियामककारी निकाय राष्ट्रिय खेलकुद परिषद (राखेप) ले खेल र खेलाडीबारे जानकारी गराउन आग्रह गरेको छ । एक विज्ञप्ति जारी गर्दै खेलाडी तथा तिनका परिवारबारे जानकारी दिन आग्रह गरेको हो ।
‘आ–आफ्ना मातहतमा रहेका अफिसहरु, कर्मचारीहरु, खेलाडीहरु, तथा पदाधकारीहरु र निजका परिवारको हालको अवस्था के कस्तो छ ? बुझी विवरण पेश गर्नुहुन तथा कुनै कठिनाइ परेको खण्डमा सहयोग गर्नु, केन्द्रबाट केही गर्नुपरेमा त्यसको जानकारी गराउनुहुन निर्देशन गरिन्छ,’ विज्ञप्तिमा उल्लेख छ ।
यस्तै, विभिन्न संघका पदाधिकारीहरूलाई आफ्नो खेलाडीहरूको बारेमा जानकारी लिन अनुरोध गरिएको छ ।
लकडाउनको समयले गर्दा साह्रै दिक्क लाग्ने अवस्था आइसकेको भन्दै यस्तो बेला अत्यन्तै धैर्य, संयमित भई सम्भव भएसम्मका कार्यहरु गर्न र परिषदअन्तर्गत बन्ने आइसोलेसन कक्षहरुमा पूर्ण रूपले सहयोग गर्न समेत थापाले आग्रह गरेका छन् ।