काठमाडौं – नेपाली कांग्रेसका युवा नेता प्रदीप पौडेलले प्रधानमन्त्री केपी शर्मा ओलीले राजीनामा दिनुपर्ने माग गरेका छन् । प्रधानमन्त्री ओलीले यसअघि ल्याएका अध्यादेश फिर्ता लिने निर्णय गरेपछि पौडेलले यो ओलीको बहादुरी नभएको पनि टिप्पणी गरेका छन् ।
उनले समाजवादी पार्टीका सांसद डाक्टर सुरेन्द्र यादवलाई अपहरण गरिएको समेत आरोप लगाएका छन् । उनले प्रधानमन्त्री ओलीलाई सांसद अपहरण गर्ने मानवताविरोधी अपराध किन गर्नुभयो ? भनेर प्रश्न पनि सोधेका छन् ।
