तथ्यांक अनुसार सुदूरपश्चिममा दैनिक १० लाख ४० हजार किलो तरकारी आवश्यक छ । एक जना मानिसलाई अन्तुलित आहारका दैनिक चार सय ग्राम तरकारी खानुपर्छ । प्रदेशमा करिब २६ लाख जनसंख्या छ । तर प्रदेशमा दैनिक पाँच लाख किलो तरकारी उत्पादन हुने गरेको छ ।
निर्देशक जोशीका अनुसार सुदूरपश्चिम प्रदेशमा खपत हुने तरकारीको ७५ प्रतिशत प्रदेशमै उत्पादन हुन्छ । २५ प्रतिशत बाहिरबाट आयात हुन्छ । तर लकडाउनको बेला प्याज र आलु बाहेकका हरियो साग, तरकारी भारत र अन्य प्रदेशबाट आयात भएको छैन । कोरोनाको प्रभावका कारणले कम उत्पादन भएपनि प्रदेशभित्रकै उत्पादनले धानेको निर्देशक जोशीले भने ।
प्रदेशका शहरहरुमा मुभमेन्ट कम भएकाले पनि उत्पादित तरकारीको माग कम भएको हो । उनले होटल व्यवसाय समेत बन्द रहेकाले किसानको उत्पादन बिक्री हुन नसकेको र बिक्री भएको तरकारीले पनि मूल्य पाउन नसकेको बताए । उनले उपभोक्ताले कोरोनाको डरले पनि कम कम तरकारी उपभोग गरेको जनाए । कोरोनाका उपभोक्ताहरुले एक पटक किनेको तरकारी हप्ता दिनसम्म चलाएको निर्देशक जोशीले जनाए ।
