सर्वोच्च अदालतले हालै रञ्जन कोइरालाको मुद्धामाथि गरेको फैसलाले देशको संवैधानिक प्रतिष्ठा, कानुनी राज्यको सिद्धान्तमाथि प्रश्न चिन्ह खडा भएको साझा पार्टीको भनाइ छ । त्यस्तै प्रधानन्यायाधीशको प्रत्यक्ष संलग्नतामै पत्नी हत्याको जघन्य अपराधमा संलग्न कोइरालालाई सजाय कटौती गरेर न्यायालयमाथि नै प्रश्न चिन्ह खडा भएको साझा पार्टीको ठहर छ । दोषीलाई हदैसम्मको सजाय दिनुपर्नेमा कानुनको अपब्याख्या गरी सजायबाट उन्मुक्ति दिने कदमले जनता न्याय खोज्न कहाँ जाने भन्ने प्रश्न उत्पन्न भएको पनि सो पार्टीको भनाइ छ ।
