सीमाभित्र रहेर तीज मनाउन प्रम ओलीको आग्रह

उनले यस वर्षको तीज कोरोना महामारीले सिर्जना गरेको कष्टकर परिस्थितिका बीच मनाउनुपरेको भन्दै विज्ञहरूको सल्लाह तथा सरकारको निर्देशन अनुरुप नै सामाजिक व्यवहार गर्न आग्रह गरेका छन् ।

उनले लेखेका छन्,’यस वर्षकाे तीज काेरोना महामारीले सिर्जना गरेकाे कष्टकर परिस्थितिका बीच मनाउनु परेकाे छ । त्यसैले  विगतमा जस्तो भेटघाट, नाचगान, रमझम र उल्लासकाे अवस्था  छैन । विज्ञहरूका सल्लाह र सरकारको निर्देशन अनुरूप नै सामाजिक व्यवहार गर्न मेरो आग्रह छ । महामारीले सिर्जना गरेको सीमाभित्र रहेर तीज पर्व मनाउन र आआफ्नाे जीवन रक्षालाई उच्च महत्त्व  दिन म सबैमा विशेष अनुराेध गर्दछु । तीजको हार्दिक शुभकामना !’