महामारीले सन् २०२१ सम्ममा ४ दशमलव ७ करोडभन्दा बढी महिला तथा युवतीहरु अत्याधिक गरिबीतर्फ धकेलिने छन्। तथ्यांकका अनुसार विश्वका यी जनसंख्यालाई गरिबीको रेखामाथि ल्याउन दशकौंमा भएको प्रगति फेरि पछाडि धकेलिने छ । संयुक्त राष्ट्र महिला र संयुक्त राष्ट्र विकास कार्यक्रम (यूएनडीपी) को यो नयाँ आंकलनले कोरोनाको संकटले महिलाहरुको गरिबी दर अझै बढाउने र गरिबीमा बाँचिरहेकी महिला र पुरुषबिचको अन्तरलाई पनि फराकिलो बनाउने छ।
सन् २०१९ र २०२१ बीचमा महिलाहरूको गरिबी दर २ दशमलव ७ प्रतिशतले घट्ने अपेक्षा गरिएको थियो, तर विश्वव्यापी महामारी र यसका परिणामहरूका कारण अब यो बढेर ९ दशमलव १ प्रतिशतमा आउने प्रक्षेपण गरिएको छ।
संयुक्त राष्ट्र एजेन्सीले सन् २०२१ सम्म विश्वव्यापी महामारीले ९ दशमलव ६ करोड मानिसहरूलाई चरम गरिबीमा धकेलिने छन्। यो संकटले चरम गरिबीमा रहेका महिलाहरूको कुल संख्यालाई बढाएर ४३ दशमलव ५ करोड पुर्याउने छ। जुन सन् २०३० भन्दा अगाडि पहिलेको अवस्थामा नफर्किने तथ्यांकले जनाएको छ।
