काठमाडौं- पछिल्लो २४ घण्टामा देशभर १ हजार ५५१ नयाँ संक्रमित थपिएका छन्। देशभरका प्रयोगशालामा गरिएको ११ हजार ४७ जनाको पिपिसआर परीक्षणमा १ हजार ५५१ जनामा कोरोना पोजिटिभ देखिएको स्वास्थ्य मन्त्रालयका प्रवक्ता डा जागेश्वर गौतमले जानकारी दिए।
यो सँगै कूल संक्रमितको संख्या ९० हजार ८१४ पुगेको छ। २४ घण्टा २ हजार ३४० जना डिस्चार्ज भएका छन्। देशभर कोरोना संक्रमण मुक्त हुनेको संख्या ६७ हजार ५४२ जना पुगेको छ। देशभर २२ हजार ७०९ जना सक्रिय संक्रमित छन्।