काठमाडौं – गाई तिहारका दिन देशभरि ३९ वटा आगलागीका घट्ना भएका छन् । जसमध्ये १३ वटा आगलागी लक्ष्मीपूजा गर्दा बालिएको दियोबाट भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
प्राधिकरणका अनुसार आगलागीमा परेर एक जनाको ज्यान गएको छ भने पाँच जना घाइते भएका छन् । लक्ष्मीपूजाको अवसरमा बालिएको दियोबाट आगलागी हुँदा बहुदरमाई नगरपालिका–८ रामनगरीकी १५ वर्षीया मनाकुमारी साहको मृत्यु भएको हो ।
आगलागीबाट दुई करोड भन्दा बढी धनमालको क्षति भएको छ । प्राधिकरणले आगलागीबाट जोगिन सावधानीपूर्वक तिहार मनाउन आग्रह गरेको छ ।
