वार्ताबाट शान्तिपूर्ण राजनीतिमा आएका विप्लवको सुरक्षा व्यवस्था मिलाउनु भनेर जिल्ला प्रशासन कार्यालय काठमाडौंबाट निर्देशन आएसँगै १० जना प्रहरी खटाइएको महानगरीय प्रहरी परिसर काठमाडौंका एसएसपी अशोक सिंहले जनाएका छन् । काठमाडौंको हकमा आफू मातहतका प्रहरी खटिने र त्यो भन्दा बाहिरी जिल्लाको हकमा हेडक्वाटरले नै सुरक्षा व्यवस्था मिलाएको एसएसपी सिंहले जनाए।
गृह मन्त्रालयले जिल्ला प्रशासन कार्यालयलाई विप्लवको सुरक्षा व्यवस्था मिलाउनु भनेपछि प्रशासनले काठमाडौं प्रहरीलाई निर्देशन दिएको हो । त्यसपछि इन्सपेक्टरको कमाण्डमा प्रहरी टोली खटाइएको हो।
