दीगो विकासलाई दृढताका साथ अगाडि बढाएको दाबी प्रधानमन्त्री ओलीको छ।
‘दीगो विकास दृढताका साथ तीव्र गतिमा अगाडि बढाएका छौं। यो असाधारण उपलब्धि हो। यसलाई अझ उचाइमा पुर्याउनुपर्छ,’ प्रधानमन्त्री ओलीले आइतबार प्रादेशिक एवं स्थानीय सडक निर्माण तथा सुधार कार्यक्रम शुभारम्भ गर्दै भने।
उनले विरोधका लागि विरोध गर्नेहरू देशमा रहेको पनि जनाएका छन्। देश र जनताप्रति जिम्मेवारी बोध नभएकाहरूले विरोध गरेको प्रधानमन्त्री ओलीको धारणा छ।
आफ्नो स्वार्थका लागि मानिसहरूले गीतमा जस्तै जे पनि बेचिदिन्छु भन्ने गरेको प्रधानमन्त्री ओली जनाउँछन्।
प्रधानमन्त्री ओलीले २१० स्थानीय तह जोड्ने सडकको आज शुभारम्भ गर्दै उक्त कुरा भनेका हुन्।
