काठमाडाैं । स्कटल्यान्डविरुद्ध ३–१ को जित निकाल्दै क्रोयशियाले युरोकप फुटबलको अन्तिम १६ मा स्थान बनाउन सफल भयाे । ग्लासगो शहरमा भएको यस खेल जित्नैपर्ने बाध्यता दुबै टोलीसामु थियो ।
निकाले भ्लासिकले खेलको १६ औं मिनेटमा क्रोयशियालाई अग्रता दिलाएपनि ४२ औं मिनेटमा म्याक ग्रेगोरले स्कटल्यान्डबाट बराबरी फर्किए ।
समूह डिअन्तर्गत गए राति नै भएको अर्को खेलमा इङल्यान्डले चेक गणतन्त्रलाई १–० ले हरायो । इङल्यान्डका लागि रहिम स्टर्लिङले खेलको १२ औं मिनेटमा निर्णायक गोल गरे । आफ्नो सुरुवाती खेलमा क्रोयशियालाई १–० ले नै हराएको इङल्यान्ड दोस्रो खेलमा स्कटल्यान्डसँग बराबरीमा रोकिएको थियो ।
प्रत्येक समूहको तेस्रो स्थान रहने ६ टोलीमध्ये दुई टोली पहिलो चरणबाट बाहिरिने र उत्कृष्ट चार टोली अन्तिम १६ मा छनोट हुने प्रावधान छ । त्यही प्रावधानका कारण ४ अंक बटुलेको चेक गणतन्त्र अन्तिम १६ मा पुगेको हो । समूहमा एक अंकमात्रै बटुलेको स्कटल्यान्ड भने पहिलो चरणबाटै बाहिरिएको छ ।


















