न्युजिल्याण्ड । अन्टार्टिका महादेशमा एक दुर्लभ पेन्गुइनले करिब ३ हजार किलोमिटर हिँडेर नयाँ रेकर्ड बनाएको छ। आफ्नो बासस्थानबाट अन्जानमा ३ हजार किलोमिटर हिँडेर पेन्गुइनले नयाँ रेकर्ड बनाएको हो ।अन्टार्टिकाबाट हिँडेरै न्युजिल्याण्डको कोस्टमा पुगेको एडेल्ली पेन्गुइनले करिब ३ हजार किलोमिटर अर्थात् १ हजार ८६४ माइलको दूरी पार गरेको हो । सो पेन्गुनले एक्लै लामो दूरीको यात्रा गरेको न्युजिल्याण्डका स्थानीयले बीबीसीसँग बताएका छन् । यो जातको पेन्गुइन ११३ किलोमिटरसम्म हिँड्न सक्ने बताइन्छ। यो समुन्द्रको छेउछाउमा गुँड लगाउने गर्छ।
एडेल्ली पेन्गुइन जातको वास्तविक वासस्थान अन्टार्टिकाको प्रायद्विप क्षेत्र हो । सो जातको पेन्गुइन दुर्लभ मानिएको छ । पछिल्लो समय जलवायु परिवर्तनका कारण यस जातको पेन्गुइनको संख्या घट्दो छ भने बासस्थान पनि परिवर्तन भएको छ।