एजेन्सी । अफगानिस्तानका उपप्रधानमन्त्री तथा तालिबान नेता मुल्ला गनी बरादरले अमेरिकाको कडा रुपमा आलोचना गरेका छन्।
यतिबेला अफगानिस्तानमा आर्थिक संकट र भोकमरीको अवस्था छ। सरकारी सम्पत्ति विदेशमा रोक्का भएपछि तालिबान सरकारले आफ्ना नागरिकको भोक टार्न सकेको छैन।
बीबीसीका अनुसार मंगलबार बरादरले अमेरिकाले आफ्नो सम्पत्ति रोक्दा देशमा संकट निम्तिएको बताए। अमेरिकाका कारण अफगानिस्तानमा समस्या परेका बेला विश्वले चुप भएर बस्न नहुने उनको भनाइ थियो। पाकिस्तान र चीनले अफगानिस्तानमा सक्दो सहयोग गरिरहेका छन्। विश्वले अफगानिस्तानलाई आर्थिक सहायता प्रदान गर्नुपर्ने पनि यी दुई राष्ट्रको भनाइ छ।
