काठमाडौं । काठमाडौं महानगरपालिका- १९ को वडाअध्यक्षमा नेपाली कांग्रेसका राजेशकुमार श्रेष्ठ विजयी हुनुभएको छ । श्रेष्ठ एक हजार २०० मतसहित विजयी हुनुभएको हो ।
उहाँको निकटतम प्रतिद्वन्द्वी नेकपा (एमाले)का चन्द्रमान मुनिकारले ७४१ मत प्राप्त गर्नुभयो ।
सो वडाको महिला सदस्यमा कांग्रेसकी रेणुकमल भारती शाही, दलित महिला सदस्यमा कांग्रेसकी रन्जीता परियार र सदस्यद्वयमा कांग्रेसका चन्द्रमान डंगोल र कांग्रेसकै दिनेशमान जोशी विजयी हुनुभएको छ ।
