यसअघि लोसपाका नेताहरुले जन्मसिद्ध नागरिकका छोराछोरीलाई नागरिकता दिनुपर्ने मागसहित प्रधानमन्त्रीलाई ज्ञापनपत्र बुझाएका थिए । त्यसक्रममा देउवाले नागरिकता विधेयक अघि बढाउने बचन दिएपनि अघि नबढाएपछि लोसपाका नेताहरु सोमबार प्रधानमन्त्री भेट्न बालुवाटार पुगेका थिए ।
‘हामीले यसअघि नागरिकता विधेयक अघि बढाउन माग गर्दै प्रधानमन्त्रीलाई ज्ञापनपत्र बुझाएका थियौ, तर एक सातासम्म पनि प्रगति भएन । सोही विषयमा कुरा गर्न सोमबार पुन बालुवाटार गयौ’, प्रधानमन्त्रीसँगको भेटपछि महतोले भने, ‘हामीले पुरानो कुरा स्मरण गराउँदै संसद अवरुद्ध गर्नुपर्ने हो कि प्रक्रिया अघि बढ्छ भनेर भन्यौ ।’
जवाफमा प्रधानमन्त्रीले एक दुईदिन भित्र बजेट पारित हुने र त्यसलगत्तै प्रक्रिया अघि बढ्ने प्रतिवद्धता जनाएको महतोले बताए । ‘माग सम्बोधन नभए हामीले संसद अवरोध गर्ने तयारी गरेका थियौ । तर प्रधानमन्त्रीले पुनः प्रतिवद्धता जनाएकाले हाम्रो संसद अवरोध गर्ने कार्यक्रम तत्काललाई स्थगन गर्छौ भनेर बालुवाटारबाट फर्कियौँ’, नेता महतोले बताए ।
