काठमाडौं । नवनिर्वाचित राष्ट्रपति रामचन्द्र पौडेललाई बधाई आउने क्रम जारी छ । यही क्रममा चीनबाट उनको सफल कार्यकालको कामना गर्दै बधाई आएको छ ।
नेपालका लागि चिनियाँ राजदूत चेन सङ्गले छिमेकी मुलुक चीन सरकारका तर्फबाट राष्ट्रपतिमा निर्वाचित भएकामा पौडेललाई बधाई तथा सफल कार्यकालको शुभकामना व्यक्त गरेका हुन् ।
उनले राष्ट्रपति पौडेल नेतृत्वमा नेपाल र चीनबीचको मैत्रीपूर्ण सम्बन्ध थप विस्तार हुने विश्वास व्यक्त गरेका छन् ।
