काठमाडौ । नेपाल सुपर लिग एनएसएलमा स्पोर्टिङ इलामले ललिटपुर सिटीलाई हराएको छ ।
मंगलबार दशरथ रंगशालामा इलामले ललितपुरलाई १–० गोल अन्तरले हराएको हो ।
इलामको जितमा खेलको ५९ औं मिनेटमा फाडे कामाराले विजयी गोल गरे ।
अनुभवी डिफेन्डर मानिएका ललितपुरका करिम ओमलआजाबाट बल खोस्दै कामाराले इलामका लागि गोल गरेका थिए ।
दुवै टिमले केही राम्रा अवसर सिर्जना गरेपनि गोल गर्न भने सकेनन् ।
यस सिजन ललितपुर सिटी एफसीले लिगको पहिलो हार ब्यहोरेको छ ।
डेब्यु सिजनमा प्लेअफको दौडबाट बाहिरिने पहिलो टिम बनेको इलामले जित सहित प्रतियोगिताको अन्त्य गरेको छ ।
पुछारको इलामसँगको हारले ललितपुरको शीर्ष स्थानमा पुग्ने अवसर भने गुमेको छ ।
ललितपुर ७ खेलबाट १० अंक सहित तालिकाको तेस्रो स्थानमा यथावत रह्यो । इलामले ८ खेलबाट ८ अंक जोडेर तालिकाको पाँचौं स्थानमा उक्लियो ।
