काठमाडौं । वरिष्ठ लोक गायक, संकलक तथा सर्जक लाल बहादुर खाती तथा वरिष्ठ लोक गायिका तीर्थ कुमारी थापाद्दारा स्वरबद्ध कालजयी नेपाली लोक गीत ‘ढुँगे बगर माया ढुँगे बगर’… रिमेक गरिएको छ।
करिब ५० वर्षअघि रेडियो नेपालमा रेकर्ड भएर श्रोताहरु माझ ख्याति कमाउन सफल भएको यो गीत रिमेक गरिएको हो। हालसम्म पनि यो गीत उत्तिकै लोकप्रिय र सदाबहार छ।
कालजयी लोकगीतलाई यसका सर्जक, वरिष्ठ लोक गायक तथा संकलक स्वर्गीय लाल बहादुर खातीप्रति समर्पित गर्दै यसमा वरिष्ठ गायिका तर्थकुमारी थापाले रिमेकमा स्वर दिएकी छन्।
रिमेक भर्सनमा गायिका तीर्थ कुमारी थापालाई युगल गायनमा गायक सुरज कुमार थापाको स्वर तथा पुन: संगीत संयोजनमा रेडियो नेपालको रेकर्डिङ स्टुडियोमा श्रव्य दृश्यको छायाँकन गरिएको छ।
शम्भु कुमार तण्डुकारको रेकर्डिङ तथा मिक्सिङ, किरण कँडेलको मास्टरिङ गीतको भिडियोमा निश्चल श्रेष्ठको छायाँकन, महेश्वर श्रेष्ठको डीओपी ,र बिजु कर्माचार्यको सम्पादन र निर्देशन रहेको छ। भिडियोलाई तुलसी भक्त कन्स्ट्रक्सन प्रा.लि. ले निर्माण गरेको हो।
