काठमाडौं । ३०औं विश्व आदिवासी दिवस मनाइएको छ । शुक्रबार दिवसका अवसरमा नेपाल आदिवासी जनजाति महासङ्घको नेतृत्वमा काठमाडौंमा झाँकीसहितको र्याली निकालिएको छ ।
मगर, थारु, नेवार, तामाङ, राई र लिम्बूलगायत जातीय संस्थाहरुले आफ्नो ब्यानर र्याली निकालेका छन् भने र्यालीमा सहभागीहरु परम्परात पोशाकमा सजिएर सहभागीता जनाएका थिए।
भृकुटीमण्डपबाट निकालिएको र्याली कमलादीस्थित प्रज्ञा भवनमा पुगेर मूल समारोहमा परिणत भएको छ ।
