इनरुवा (सुनसरी) । जेनजी आन्दोलनका क्रममा सोमबार सुनसरीको इटहरीमा मृत्यु भएका एक जना युवकको सनाखत भएको छ ।
मृत्यु हुनेमा इटहरी उपमहानगरपालिका–१६ का २३ वर्षीय अभिषेक श्रेष्ठ रहेको जिल्ला प्रहरी कार्यालय सुनसरीका प्रहरी निरीक्षक प्रकाश पराजुलीले जानकारी दिए ।
मृतक श्रेष्ठको शव बिपी कोइराला स्वास्थ्य विज्ञान प्रतिष्ठानको शव गृहमा राखिएको छ । अर्का एक युवकको भने सनाखत नभएको जिल्ला प्रहरी कार्यालय सुनसरीले जनाएको छ ।
