काठमाडौं । गर्भवती महिलाको मृत्युको विषयलाई लिएर किष्ट अस्पतालमा तनाव उत्पन्न भएको छ । मृतकका आफन्तले प्रहरी घेरा तोडेर अस्पताल तोडफोड गरेका छन् ।
प्रहरीले बल प्रयोग गरेर भीड तितरबितर पारेको छ । घटना कार्तिक ७ गते शुक्रबारको हो ।
अस्पतालको लापरबाहीले गर्भवती महिलाको ज्यान गएको आरोप आफन्तहरुले लगाउदै आएका छन् ।
घटना पश्चात् अहिलेसम्म अस्पतालले संवादका लागि समेत नबोलाएको उनीहरुको भनाइ छ । आक्रोशित आफन्तहरुले हिजो अस्पतालमा सामान्य तोडफोड समेत गरेका थिए ।
