काठमाडौं / भोलिबाट ग्लोबल आईएमई बैंकको शेयर कारोबार खुल्ने भएको छ । यस अघि लामो समय सम्म मर्जर प्रक्रियाका कारण नेप्सेमा बैंकको कारोबार बन्द रहेको थियो ।
जनताबैंकसगँ मर्ज भएसगैँ भोली माग ६ गतेबाट पहिलोपल्ट ग्लोबलको कारोबार खुल्न लागेको हो । भोलिबाट कारोबार खुल्ने भए पछि नेप्सेले बैंकको पहिलो कारोबारको लागि मूल्य तोकेको छ ।
नेप्सेका अनुसार मर्जरपश्चात २५२.४७ रुपैयाँमा बैंकको पहिलो कारोबार हुनेछ । असार २२ गते देखि दोस्रो बजारमा शेयर कारोबार रोक्का रहेको ग्लोबल र जनता बैंकले मंसिर २० गतेदेखि एकीकृत कारोबार सुरु गरिसकेका छन्।
यस अघि बुधबार बैंकले ७ करोड २० लाख ८७ हजार कित्ता शेयर नेप्सेमा सूचीकृत गरेको थियो । जनतासगँको मर्जर पश्चात नेपालकै ठूला वाणिज्य बैंक बनेको ग्लोबल आइएमईको मर्जर अघिको अन्तिम कारोबार २९५ रुपैयाँमा भएको थियो ।
