बिगत लामो समयदेखि भारतसँग शान्तिका लागि अपिल गर्दै आएका पाकिस्तानी प्रधानमन्त्री इमरान खानले भारतीय प्रधानमन्त्री नरेन्द्र मोदीको चुनावी अभियानलाई असर पुग्ने गरी नयाँ प्रभावकारी निर्णय लिएका छन् । प्रधानमन्त्री खानले पाकिस्तानमा पक्राउ परेका भारतीय पाइलट अभिनन्दनलाई भोलि भारत फर्काउने निर्णय सुनाएका छन् । यो सँगैं भारतमा पाकिस्तानी प्रधानमन्त्री इमरान खानप्रतिको सद्भाव बढाएको छ ।
भारतका तर्फबाट शान्ति वार्ताका लागि कुनै जवाफ नआएको भए पनि शान्तिको लागि पहल स्वरुप आफुले पाइलट फिर्ता गर्न लागेको आजको पाकिस्तानी संसदमा खानले सुनाएका थिए । अहिले भारतमा प्रधानमन्त्री नरेन्द्र मोदी निर्वाचन प्रचारमा लागेका बेला माेदीलाइ झड्का पुगेकाे छ । भारतमा पाकिस्तानी प्रधानमन्त्रीको सर्मथनमा र मोदीको विरोधमा नाराबाजी शुरू भइरहेको समाचार एजेन्सीहरूले जनाएका छन् ।
