स्कुलका घरबेटी न्यौपानेले नेपालसित गत मङ्सिर २१ गते भुक्तानी हुने गरी धरौटीको रूपमा ६ लाख बराबरको नेपाल बैंक लि. को चेक लिएका थिए ।
नेपालकी श्रीमती रोहिका नेपालद्वारा संचालित ईडन पब्लिक स्कुलको भाडा लिन घरबेटी न्यौपाने स्कुलमा पुगेका थिए । स्कुलको सबै कारोबार श्रीमतीले नै गर्ने र त्यती बेला श्रीमती रोहिका उपत्यका बाहिर गएकी हुँदा रकम भुक्तानी हुने दिनकै चेक लेखी नेपालले न्यौपानेलाई दिएका थिए।
मंसिर २१ गते नै घरबेटी न्यौपानेले ६ लाख रुपैयाँ बुझी का।म।न।पा वडा नं. ७ का सदस्य कृष्णमणि भट्टराईको रोहवरमा भरपाई समेत गरेका थिए । रकम बुझीसके पश्चात पनि चेक फिर्ता नगरेपछि नेपालले मौखिक र स्कुलले समेत पत्र लेखी चेक फिर्ताको अनुरोध गरेको थियो । तर एकाएक न्यौपानेले रकम लिई भरपाई समेत गरिसकेको अवस्थामा प्रहरीमा जाहेरी दिएका थिए ।
नेपालका तर्फबाट बहस गरेका अधिवक्ता सुजित के.सी, अधिवक्ता मनोहर लामिछाने, अधिवक्ता सागर बहादुर के.सी, अधिवक्ता राजेश बटाला समेतले जाहेरीवाला न्यौपानेले चेकको दुरुपयोग गर्दै जाहेरी दिएको बताएका थिए ।
उच्च अदालत पाटनका माननीय न्यायाधीश रमेश कुमार पोखरेल र अच्युतप्रसाद भण्डारीको ईजालाशबाट २ लाख धरौटी मागको आदेश भएकोमा धरौटी दाखिला गरि नेपाल तारेखमा रहेका छन् ।
