काठमाडौं- नेपाली सेनाका लेफ्टीनेन्ट कर्नेल केशवराज कार्कीलाई बर्खास्त गरेको छ । सेनाको समरी सैनिक अदालतले भ्रष्टाचारमा कसुर ठहर भएका कर्नेल एवंम उदयपुरस्थित कालीसिद्धी गणको प्रमुख रहेका प्रमुख सेनानी कार्कीलाई जागिरबाट बर्खास्त गरे हो ।
राष्ट्रपति चुरे संरक्षण आयोजना अन्तर्गतको ५० लाख रकम भ्रष्टाचार गरेको ठहर गर्दै कार्कीलाई शुक्रबार जेल चलान गरिएको नेपाली सेनाको मुख्यलय जंगी अड्डा स्रोतले जनाएको छ ।
कार्कीविरुद्व राष्ट्रपति चुरे संरक्षण कार्यक्रमको रकम अनियमितता गरेको भन्दै वैशाख २ गते उजुरी परेको थियो ।
अदालतले पेस गरेको निर्णय शुक्रबार प्रधानसेनापति पूर्णचन्द्र थापाले सदर गरेपछि कार्कीलाई सेवाबाट बर्खास्त गरेर ३ महिना कैद सजाय सुनाइएको हो ।
छानबिनबाट कार्कीले भ्रष्टाचार गरेको देखिएपछि गत वैशाख २३ गते सैनिक समरी जनलर अदालत गठन भएको थियो । जेठ ३ गते सुनुवाई सकिएपछि शुक्रबार फैसला सुनाइएको हो ।
उनलाई हिनामिना गरेको ४९ लाख रकम फिर्ता गराउन आदेश दिएको छ