काठमाडौं / खुकुरी प्रहार गरी आफ्नै आमाको हत्या गर्ने छोरा प्रहरीको फन्दामा परेको छ । सप्तरी प्रहरीले सुरुङ्गा नगरपालिका-१ का ३४ वर्षीय जंगबहादुर पुलामी मगर पक्राउ गरी अनुसन्धानको थालनी गरेको छ । बिहीबार ६५ वर्षीया आमा धनमाया पुलामी मगरलाई टाउको र अनुहारमा खुकुरी प्रहार गरी हत्या गरेका थिए। रिसको झोंकमा जंगबहादुरले बिहीबार ४ बजे घरको आँगनमा बसिरहेकी धनमायालाई खुकुरी प्रहार गर्दा उनको घटनास्थलमै मृत्यु भएको थियो। शुक्रबार जंगबहादुरलाई पक्राउ गरी कर्तव्य ज्यान मुद्दामा सप्तरी अदालतबाट म्याद लिएर अनुसन्धान थालिएको सप्तरी प्रहरीले जनाएको छ।
