काठमाडौं– नेपाल कम्युनिष्ट पार्टी (नेकपा) को वरीयतामा माधवकुमार नेपालभन्दा झलनाथ खनाल अगाडि हुने भएका छन्।
आइतबार बालुवाटारमा बसेको सचिवालय बैठकले नेता खनाललाई तेस्रो वरीयतामा ल्याउने निर्णय गरेको हो ।
वरीयतामा अध्यक्षहरू केपी शर्मा ओली र पुष्पकमल दाहाल प्रचण्ड पहिलो नम्बरमा छन्। त्यसपछि झलनाथ खनाल रहेका छन्। झलनाथपछि माधवकुमार नेपाल रहेका छन्।
नेकपा सचिवालय बैठकले विभिन्न जनवर्गीय संगठनका इन्चार्ज र सहइन्चार्जको पनि टुंगो लगाएको छ। सचिवालयको निर्णयमा नेता नेपालले आपत्ति जनाएका छन्। उनले जनवर्गीय संगठनको नेतृत्व चयन र वरियताको विषयलाई लिएर नोट अफ डिसेन्ट लेखेका छन्।
