सहबान अन्सारी
नवलपरासीको प्रतापपुर गाउँपालिकाका अध्यक्ष राकुमार शर्मा सवारी दुर्घटनामा परि निधन भएको छ ।
आईतवार बिहान गाउँपालिकाबाट अध्यक्ष शर्मा विपद ब्यवस्थापन समितिको बैठकमा सहभागी हुनको लागी सदरमुकाम परासी जाने क्रममा बर्दघाट वडा नं. ४ स्थित लक्ष्मीनगरमा अनियन्त्रित भई पुल देखी तल खस्दा अध्यक्षले प्रयोग गर्ने लु १ झ ३७० नम्बरको स्कारर्पियो दुर्घटनामा परेको थियो ।
दुर्घटनामा परी गम्भिर घाईते भएका शर्मालाई उपचारका लागि चिसापानी अस्पतालमा उपचारको क्रममा मृत्यु भएको जिल्ला प्रहरी कार्यालय नवलपराका प्रहरी उपरिक्षक अजय केशीले जनाउनुभयाे ।
सोही दुर्घटनामा परि प्रतापपुर गाउँपालिका वडा नम्बर ५ का हरिलाल राजभर समान्य घाईते भएका छन् ।
शर्माको शवलाई पोष्टमार्टमका लागि पृथ्वीचन्द्र अस्पताल परासी पठाईएको प्रहरीले जनाएको छ ।
