पठाओको सेवा अवरूद्ध

March 24, 2021

काठमाडौं-राइड सेयरिङ प्लेटफर्म पठाओको सेवा अवरूद्ध भएको छ। एप अपडेटका कारण राइड नचलेको पठाओकी मार्केटिङ म्यानेजर सुरक्षा हमालले जनाइन् ।

ट्याक्सी र फुड डेलिभरी चलेको छ। एप अपडेट भइरहेकाले राइड सेवा चाहिँ नचलेको हो,’ उनले भनिन्। उनका अनुसार ट्याक्सी र फुड भने बुधबार बिहानदेखि चल्न सुरू भएको छ। उनले थप्दै भनिन् ‘हामीले बिहान साढे ८ बजेतिर ग्राहकलाई ट्याक्सी र फुड चल्न सुरू भयो भनेर जानकारी गराएका थियौं, ।’

अव एप अपडेट कति समयमा हुन्छ भन्ने जनाउन नसकिने उनले जानकारी दिइन्। एप अपडेट भइसकेपछि ग्राहकलाई एपमा सूचना आउने उनले जनाइन् । ‘ट्याक्सी चालक र हाम्रो राइडरबीच भएको झगडाले सेवा बन्द भएको होइन,’ कम्पनीकी मार्केटिङ म्यानेजर हमालले भनिन्, ‘प्राविधिक समस्याले भएको हो। प्राविधिकले बनाउँदै छन्।’

सोमबार ट्याक्सी चालकले पठाओका राइडरलाई कुटपिट गरेका थिए। आफ्नो ग्राहक खोसेको भन्दै गोंगबुमा पठाओका राइडरलाई कुटपिट गरेका हुन्। साेमवार बिहानतिर एक जना ग्राहक ट्याक्सी चालकसँग पैसाको कुरा गरिरहेका थिए। पछि पैसाको कुरा नमिलेर पठाओमा जान लाग्दा ट्याक्सी चालकले ग्राहक खोसेको भन्दै कुटपिट गरेको भन्ने जानकारी आएको उनले जनाइन् ।

‘बिहान घटना घटेपछि बेलुका पनि चालक मिलेर पठाओका राइडरलाई कुटेको भन्ने खबर आएको छ,’ उनले भनिन्, ‘को राइडर हुन् हामीलाई जानकारी आइसकेको छैन। हामीले पनि सोसल मिडियामार्फत् थाहा पाएका हौं।’ यस विषयमा सम्बन्धित निकायसँग छलफल भइरहेको उनले जानकारी दिइन्।

पठाओको सेवा अवरूद्ध

LEAVE A REPLY Cancel reply

RECENT POSTS

सेयर बजार १.४६ अंक घट्याे

सहमहामन्त्री पदमा रास्वपाका नेता अशोककुमार चौधरीकाे दाबेदारी

बेलायती प्रधानमन्त्रीले राजीनामा दिने

कतारको एक कारखानामा विस्फोट

HOT NEWS

शेयर कारोबार १०५.५५ अंकले बढेर २ हजार ८ सय ८५...

नेपाली स्याटलाईट अन्तरिक्ष केन्द्रमा जोड्न सफलता

अन्तराष्ट्रिय नेपाल भाषा साहित्य सम्मेलन हुने

सुनको कारोबार मूल्य प्रतितोला रु. १ लाख नाघ्याे

POPULAR POSTS

तराईमा पूर्वी पाकिस्तानको घटना दोहोर्‍याउने भारतीय ‘गेम प्लान’

सरकारी गाडीले काठमाडौंमा मान्छे ओसारिदै गरेकाे भेटिए

तेस्रो पटकमा यसरी सफल भएको थियो -वीरेन्द्रको हत्या योजना

POPULAR CATEGORY