काठमाडौं । नेपाली कांग्रेसका नेता प्रकाशमान सिंहले सभापतिमा शेरबहादुर देउवालाई समर्थन गर्ने भएका छन्।
‘दोस्रो चरणमा जाने भयो। मैले नेतृत्व परिर्वतनको माग गरेर निर्वाचनमा भाग लिएको हो’, उनले भने ‘देशभरीको महाधिवेशन प्रतिनिधिको बहुमत शेरबहादुर देउवालाई स्वीकार्यता देखियो। अहिले पार्टीमा नेतृत्व परिर्वतन गर्नुपर्छ भनेको यसपटक मलाई सहयोग गर्नुस् भन्नु भयो । उहाँले पनि कार्यशैली परिर्वतन गर्नुपर्ने कुरा छ शेरबहादुर देउवालाई समर्थन गर्ने भएका छौं।’
पार्टीको विधान संशोधन र पार्टीभित्र भएको कमिकमजोरीमा सल्लाह गर्छु भनेर देउवाले आश्वासन दिएको सिंहले बताए। भेटमा देउवाले प्रकाशनमानले सदासयता देखाएको बताए। कांग्रेस सभापतिका लागि भएको निर्वाचनमा कुनै पनि उम्मेदवारले ५१ प्रतिशत मत ल्याउन नसक्दा अब दोस्रो चरणमा निर्वाचन हुने भएको छ।
विधान अनुसार दोस्रो चरणमा अब शेरबहादुर देउवा र शेखर कोइरालाबीच प्रतिस्पर्धा हुनेछ।
