काठमाडौं । शरीरको सबैभन्दा महत्त्वपूर्ण अङ्ग आँखा हो । यसकारण आँखाको हेरचाह गर्नु अत्यन्त जरुरी छ । अत्यधिक काम गर्दा, उज्यालो स्क्रिन बढी हेर्दा पनि आँखा कमजोर हुने गर्दछ ।
प्रायः जसाे दिनभरि कम्प्युटरमा बस्नेहरूले आँखाका कारण विभिन्न समस्या भोग्दै आएका छन् । यस्तोमा घरेलु उपचारमार्फत आँखाको तेज बढाउन सकिन्छ ।
– राति सुत्नुअघि दूधमा अलैँची पिसेर अलिकति हालेर पिउँदा आँखा स्वस्थ हुन्छ ।
– दुवै हत्केला रगडेर तातो बनाइ आफ्ना आँखा छोप्दा आँखाका मांसपेशीले आराम पाउँछ ।
– गाजर, सुन्तला, मौसम जस्ता भिटामिन ए भरपूर भएका पहेँला फलफूल खानु पर्छ ।
– काम गर्दागर्दै आँखालाई केहीबेर आराम गर्न दिनु पर्दछ ।
– पालुङ्गोको साग र गाजरको जुसले पनि आँखा मजबुत बनाउँछ ।
– दैनिक पैताला र खुट्टाका औँलामा सर्स्युँको तेलले मालिस गर्दा पनि आँखाको तेज बढ्छ ।
