काठमाडाैं । पछिल्लो २४ घन्टामा मुलुकभर थप ८ जनामा कोरोना संक्रमण पुष्टि भएको छ ।
सोमवार ३ हजार २ जनामा गरिएको नमुना परीक्षणका क्रममा ६ जनामा पीसीआरमार्फत र २ जनामा एन्टीजेनमार्फत कोरोना पुष्टि भएको हो । यससँगै मुलुकभर हालसम्म पीसीआर परीक्षणमार्फत ९ लाख ७८ हजार ९४८ जनामा र एन्टीजेन परीक्षणमार्फत १ लाख ४० हजार २०३ जनामा कोरोना संक्रमण पुष्टि भएको छ । यस दिन १७ संक्रमित उपचारपछि निको भएका छन् ।
यससँगै मुलुकभर ९ लाख ६६ हजार ८०६ जना संक्रमित निको भएका छन् । यस दिन संक्रमणबाट ज्यान गुमाउनेको संख्या शून्य छ । यससँगै मुलुकभर हालसम्म ११ हजार ९५२ संक्रमितको मृत्यु भएको छ । मन्त्रालयका अनुसार हाल मुलुकमा सक्रिय संक्रमितको संख्या १९० रहेको छ ।