मोहम्मद हत्यामा संलग्न आशंकामा प्रहरीले ३ जनालाई पक्राउ

56

काठमाडौं । मोहम्मद दर्जी उर्फ लाल मोहम्मद हत्यामा संलग्न आशंकामा प्रहरीले ३ जनालाई पक्राउ गरेको छ । पक्राउ पर्नेमा वीरगञ्ज महानगरपालिका–१५ भिस्वा घर भएका रेहान खान, मेहरन मियाँ र आफुलाई सुमी भनेर चिनाउने सुमित्रा छिन् ।

उनीहरुलाई जिल्ला प्रहरी परिसर काठमाडौंले पत्रकार सम्मेलन गरेर सार्वजनिक गर्ने तयारी गरेको छ । पक्राउ पर्नेहरूले लाल मोहम्मदलाई हत्या गर्नुअघि हतियार व्यवस्थापन गरेको प्रहरीको अनुसन्धानबाट थाहा भएको छ । पर्साबाट पक्राउ परेका रेहान खानलाई प्रहरीले काठमाडौं ल्याउँदैछ ।

हरन र रेहानलाई एकजना भारतीय नागरिकले वीरगञ्जमा दुई थान पेस्तोल दिएका थिए । सो पेस्तोल काठमाडौं ल्याएर ‘सुटर’ लाई दिएको अनुसन्धानमा संलग्न एकजना प्रहरी अधिकृतले रातोपाटीलाई बताए । दुईजना सुटरले गोली हानेर गोठाटारमा असोज ३ मा लाल मोहम्मदलाई हत्या गरे ।

मोहम्मदको हत्या भएको अघिल्लो दिन ९२ असोज० मा दुई युवक काठमाडौंबाट बस चढेर तराई फर्केको अनुसन्धानबाट थाहा भएको छ । काठमाडौंमै रहेकी सुमित्रा नाम गरेकी युवतीले मोहम्मदको निगरानी गरेको अनुसन्धानमा संलग्न प्रहरी अधिकारीहरु बताउँछन् । सुमित्रा लागुऔषध प्रयोगकर्ता पनि हुन् ।

कागेश्वरी मनोहरा नगरपालिका–८ गोठाटारमा कपडा प्याक गर्ने प्लाष्टिक लिएर जोरपाटीबाट फर्केका मोहम्मदलाई बा।६ च ५१५२ नम्बरको गाडीबाट ओर्लनासाथ २ जनाले गोली हानेर भागेका थिए । हत्याको योजना भारतीय नागरिक नितेन मदनले बनाएको प्रहरीको प्रारम्भिक अनुसन्धानबाट थाहा भएको छ । नितेन फरार छन् ।

प्रहरीका एकजना उच्च अधिकारीकाअनुसार भारतीय अन्डरवर्ल्ड डन बब्लु श्रीवास्तवको निर्देशनमा नितेनले हत्या योजना बनाएको खुलेको छ ।

LEAVE A REPLY

Please enter your comment!
Please enter your name here