विश्वको सबैभन्दा अग्लो क्यास मेसिन चीन र पाकिस्तान बीचको खुञ्जेरब पास सीमामा ४,६९३ मिटरको उचाइमा अवस्थित छ । पछिल्ला केही दशकमा एटिएम विश्व प्रविधिको अभिन्न अंग बनेको छ तर ट्रेकिङ गरिरहेका बेला हिँउले ढाकेको पहाडका बीचमा एटिएम मेसिनको सायदै कसैले कल्पना गर्ला ।
तर पाकिस्तानको उत्तरी गिल्जिट–बाल्टिस्टान प्रान्तस्थित खुञ्जेरब पास बोर्डरमा विश्वको सबैभन्दा अग्लो पूर्ण रुपमा सञ्चालनमा आइरहेको एटिएम छ । नेशनल बैंक अफ पाकिस्तानले सन् २०१६ मा राखेको यो एटिएम मेसिन सौर्य र वायु ऊर्जाबाट सञ्चालित हुन्छ । यस्तो एकान्त ठाउँमा एटिएम मेसिन देखिनु साँच्चै नै असामान्य दृश्य हो ।
गिनिज बुक अफ वर्ल्ड रेकर्डले विश्वको सबैभन्दा अग्लो एटिएम मेसिन भनेर मान्यता दिएको यसलाई स्थापना गर्नु कम्ती चुनौतीपूर्ण थिएन । यो पूरा गर्न नेशनल बैंक अफ पाकिस्तानलाई करिब चार महिना लाग्यो । मेसिनलाई नियमित रूपमा नगदको साथ मर्मत र रिफिलिङ प्रदान गर्नु पनि एक कठिन काम हो, किनकि नजिकैको बैंक पनि ८२ किलोमिटर टाढा छ ।
विश्वको सबैभन्दा अग्लो एटीएमको नजिक रहेको सोस्ट एनबीपी शाखाका शाखा प्रबन्धक जाहिद हुसेन नियमित रूपमा मेसिनको निगरानीमा जान्छन् । उक्त एटिएम मेसिनसम्म पुग्न उनले चरम हावा, आँधी, बारम्बारको पहिरो र डरलाग्दा पहाडी मार्गहरू पार गर्नुपर्ने हुन्छ ।
तपाईं कल्पना गर्न सक्नुहुन्छ, समुद्री सतहबाट ४,६९३ मिटर अग्लो स्थानमा अवस्थित यो विश्वकै सबैभन्दा अग्लो एटिएम खासै व्यस्त भने रहँदैन । यसले प्रायः सीमा रक्षकहरूलाई सेवा दिन्छ जसले आफ्नो मासिक तलब यहाँबाट लिने गर्छन् । सिमित स्थानीय र यहाँबाट यात्रा गर्ने पर्यटकलाई यसले सेवा प्रदान गर्छ । प्रत्येक दुई हप्तामा यो मेसिनबाट १८,३५० डलर देखि २३,००० डलर निकालिने गरिन्छ ।
पाकिस्तानको नेशनल बैंकका प्रवक्ताले बीबीसीसँगको कुराकानीमा आपतकालीन मर्मतको आवश्यकता पर्दा विश्वको सबैभन्दा अग्लो एटीएममा पुग्न सामान्यतया दुईदेखि साढे दुई घण्टा लाग्छ । यहाँको चरम अवस्थालाई ध्यानमा राख्ने हो भने यो खासै धेरै समय पनि होइन । यो मेसिनमा निकै कम ट्रानज्याक्सन भएपनि यसमा निर्भर मानिसहरुलाई ध्यानमा राखेर बैंकले यसलाई गम्भीरताका साथ लिने गरेको छ ।
‘संख्यामा यो कम होला तर उनीहरु ठूलो पार्कमा बस्छन् । आफ्नो परिवारलाई पैसा पठाउनका लागि उनीहरुसँग योबाहेक अरु कुनै विकल्प छैन,’ जाहिद हुसेनले भने ।
