चलचित्रकी मुख्य पात्र आध्याको जन्मदिनको सेटअपमा तयार पारिएको ‘जीवन भनेको’ बोलको गीत सार्वजनिक गरिएको हो। केतन क्षेत्रीको स्वर रहेको गीतमा कोशिस क्षेत्री, शिल्पा मास्के र गौरव विष्टका चल अचल दृश्यहरु समावेश गरिएको छ।
केके ब्रोदर्सको संगीत तथा शब्द रहेको गीतको संगीत संयोजन उदयराज पौडेलले गरेका हुन्। डिएस डिजिटलको ब्यानरमा निर्माण भएको फिल्म नेपाली र हिन्दीमा रिलिज हुनेछ।
विवाहोत्तर सम्बन्धले निम्त्याउने समस्यालाई देखाइएको चलचित्रमा शिल्पा मास्के, कोशिस क्षेत्री, गौरव विष्ट, अलिसा क्षेत्री, आशान्त शर्मा, रामबाबु रेग्मी, सरस्वती अधिकारीलगायत कलाकारको अभिनय छ।
यो चलचित्र काठमाडौं र मुस्ताङमा छायांकन गरिएको हो। चलचित्रमा शर्मिला पाण्डे र दिपेन्द्र के खनालले निर्माणमा सहकार्य गरेका छन्। खनाल चलचित्रका लेखकसमेत हुन्।
निरज कँडेलले छायांकन गरेको चलचित्रलाई दीर्घ खड्काले सम्पादन गरेका छन्। यो चलचित्र असार १५ गतेदेखि प्रदर्शन हुँदैछ।
