काठमाडाैं । अमेरिकाबाट नेपाल आएर दु:खमा परेका बालबालिकाको उद्धार र शिक्षादीक्षामा सहयोग गरेकी अमेरिकी नागरिक ओल्गा मुरेको निधन भएको छ।
सन् १९८४ मा भारत हुँदै ओल्गा मुरे नेपाल आएकी थिइन्।
मुरेले एउटा अन्तर्वार्तामा भनेकी थिइन्, ‘जब म नेपाल पुगेँ, तब म यो देशसँग प्रेममा परेँ। बालबालिकाहरूले मेरो हात समाते। उनीहरू स्कुल जान चाहन्थे। तर उनीहरू स्कुल जान पाएका थिएनन्।’
हंगेरीमा जन्मिएकी मुरेले सन् १९४९ मा कोलम्बिया विश्वविद्यालयबाट कानुनमा स्नातक गरेकी थिइन्। उनी ६ वर्षको उमेरमा सन् १९३१ मा परिवारसँगै अमेरिका सरेकी थिइन्।
पहिलोपटक सन् १९८४ मा नेपाल गएकी उनी त्यसयता दर्जनौँपटक आएकी थिइन्।
