काठमाडौं । सभामुख देवराज घिमिरेले प्रमुख प्रतिपक्षी दल नेकपा (माओवादी केन्द्र) की सांसद छिरिङ लामु लामा तामाङलाई बोल्दा बोल्दै रोकेका छन् । प्रतिनिधिसभाको बुधबारको बैठकमा आकस्मिक समयमा बोल्दै गर्दा लामालाई सभामुख घिमिरेले रोकेका हुन् ।
उनको निर्देशनपछि सांसद लामाले आफ्नो विषय आउनै लागेको बताए पनि विषय प्रवेश नगरेपछि सभामुखले रोकेका हुन् । ‘तपाईंले मलाई दिएको विषय र तपाई बोलेको विषय मिलेन, त्यसैले तपाईं बस्नुस्,’ सभामुख घिमिरेले सांसद लामालाई भने ।
