काठमाडौं । काठमाडौं महानगरपालिका-१२ भोटेबहाल डेरा गरी बस्ने म्याग्दी धवलागिरी गाउँपालिका-६ घर भएका ३० वर्षीया रेनुका गुरूङको कोठाबाट सुनका विभिन्न गरगहना समेत गरी करिब २ लाख ९० हजार रूपैयाँ बराबरको धनमाल शनिबार राति चोरी भएको छ ।
ललितपुर, ललितपुर महानगरपालिका-१० ज्वागल बस्ने अमुल काजी तुलाधरको घरबाट नगद र सुन तथा चाँदीका विभिन्न गरगहना समेत गरी करिब १६ लाख ४ हजार रूपैयाँ बराबरको धनमाल गए राति चोरी भएको छ ।
प्रहरीले चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।
