रोल्पा । रोल्पामा नेपाली कम्युनिस्ट पार्टीका नेता वर्षमान पुन विजयी भएका छन् । नेकपाका उम्मेदवार वर्षमान पुनले २७ हजार ४६० मत प्राप्त गर्दै विजयी भएका हुन् ।
त्यस्तै, प्रतिद्वन्द्वी नेपाली कांग्रेसका डा. सुदनकुमार वलीले १२ हजार ८ मत पाएका छन् । रास्वपा बालराम थापाले १० हजार ८९४ नेकपा एमालेका गोकुलप्रसाद घर्तीले ९ हजार ९३३ मत पाएका छन्। नेकपा माओवादीका चुडामणि वलीले ३ हजार ७१४ पाएका छन् ।
कांग्रेस र एमाले मुख्य प्रतिस्पर्धी हुन्। २०७४ को प्रतिनिधि र प्रदेशसभा निर्वाचनमा माओवादी केन्द्रले एमालेसँग र २०७९ मा कांग्रेससँग गठबन्धन गरेर प्रतिस्पर्धा गरेको थियो। दुवै गठबन्धबाट वर्षमान पुन विजयी भएका थिए।
२०७४ मा एमालेसँगको गठबन्धनमा पुनले ४२ हजार ८४ मत पाएर चुनाव जितेका थिए भने प्रतिस्पर्धी कांग्रेसका अम्मरसिंह पुनले २० हजार ३ सय ३७ मत प्राप्त गरेका थिए। पुनले रोल्पाबाट तेस्रोपटक उम्मेदवार बनेर पुनः ह्याट्रिक जित प्राप्त गरेका छन् ।
रोल्पामा ८६ मतदानस्थल,२ अस्थायी मतदान केन्द्र र १८० स्थायी मतदान केन्द्रको मतगणना सम्पन्न भएको छ। रोल्पा शुक्रबार साढे १ बजेदेखि घरेलु तथा साना उद्योग कार्यालयको सभाहल लिबाङ्मा मतगणना सुरु भएको थियो।
