एक अबरपति चिनिया व्यवसायीले आफ्नी छोरीसाग बिहे गर्नेलाई १८ करोड डलर अर्थात १८ अर्ब नेपाली रूपैयाा नगद दाइजो दिने घोषणा गरेका छन् । चिनिया अर्बपति सेसिल चाओ जे सुंगले यस्तो घोषणा गरेका हुन् । उनले आफ्नी समलिंगी छोरीलाई बिहे गरेर अन्माइदिन मोटो रकम दाइजोको प्रस्ताव गरेका हुन् । उनकी छोरी गिगी लेस्बियन छिन् । उनी पछिल्लो ९ वर्षदेखि आफ्नो एक लेस्बियन साथीसाग बस्दै आएकी छिन् । उनलाई बिहे गर्ने कोही पनि केटा तयार भएका छैनन् । त्यसैका कारणले अर्बपति पिताले छोरीको बिहे गरिदिन यस्तो मोटो रकमको जुक्ति निकालेका हुन् ।
दाइजोको लोभ देखाएर छोरी बिहे गरिदिने यो उनको दोस्रो प्रयास हो । यसपटक उनले अफरको रकम निकै बढाएका छन् । यो भन्दा पहिले सन् २०१२ मा गिगीको विवाहका लागि उनले छोरीसाग बिहे गर्नेलाई झण्डै ७ अर्ब रूपैयााको प्रस्ताव गरेका थिए । मोटो रकम पाउनका लागि अर्बपतिकी छोरीसाग बिहे गर्न २० हजार युवकहरूले दरखास्त हालेका भए पनि कोही पनि सफल भएनन् । यो पटक दाइजो रकम दोब्बर पारेपछि लेस्बियन छोरीको पक्कै बिहे हुने उनले विश्वास लिएका छन् । उनले सोसल मिडियामार्फत छोरीको बिहेको विषयमा निकै प्रचार गरिरहेका छन् ।
