छिमेकी देश चीनबाट शुरू भएको कोरोना भाइरसको संक्रमण ठूल्ठूला विकसित देशहरूमा समेत फैलिन थालेको छ ।
हाल यस कोरोना भाइरसको संक्रमणले हरेक व्यक्तिको मनमा त्रास उत्पन्न गराएको छ । कोरोना संक्रमण संसारभर फैलिँदो छ भने नेपाल त्यसको अपवाद रहन सक्दैन । कोरोना भाइरस नेपालमा फैलियो भने मनोसामाजिक तथा मनोवैज्ञानिक कारणले बढी क्षति हुन्छ । तसर्थ हामीहरू मानसिक रुपमा तयार हुनुपर्दछ, मनोबल उच्च राख्नुपर्छ ।
कोरोनाबाट बच्ने ७ उपाय :
को : कोलाहाल र भिडभाड ठाँउबाट टाढा रहने
रो : रोकथामका लागि माक्स लगाउने
ना : नाक र मुख छोपेरै मात्र हाँछ्यू र खोक्ने
भा : भाइचारा स्वरुप हात मिलाउनु भन्दा नमस्कार गर्ने
इ : इमिन्यूटि पावर कम भएका व्यक्तिको राम्रो हेरविचार गर्ने
र : राम्रोसंग पकाएर वा पखालेर मात्र खाने
स : संक्रमणको शंका लागेमा तुरुन्त नजिकको स्वास्थ्य संस्था जाने
