काठमाडौं – नेपालमा कोरोना भाइरसको संक्रमण बढ्दै गएकाले लकडाउन अझै कडा पार्नु आवश्यक देखिएको औल्याइएको छ । टेकु अस्पतालका निर्देशक डाक्टर सागर राजभण्डारीले नेपालमा कोरोना संक्रमणको समस्या थप जटिलतातर्फ गईरहेकाले लकडाउनलाई अझै कडा पार्नुपर्ने जनाए छन् ।
पत्रकार ऋषी धमलासंगको अन्र्तवार्तामा बोल्दै निर्देशक राजभण्डारीले राजधानी काठमाण्डौ भित्र वाहिरी जिल्लाको आवजजावत नरोकिएकाले काठमाडौं कोरोनाको उच्च जोखिममा रहेको जनाएका छन् । उनले टेस्टको लागि स्वास्थ्य सामाग्री अपुग भएको पनि जानकारी गराएका छन् ।
नेपालमा पनि एकपटक कोरोना नेगेटिभ भएर घर फर्किएकामा फेरी पोजेटिभ देखिनु झनै ठुलो समस्या भएकाले यस बिषयमा गम्भीर अनुसन्धान हुनुपर्नेमासमेत उनले जोड दिए ।
