काठमाडौं- नेपालमा पछिल्लो २४ घन्टामा नेपालमा थप ४६४ जनामा कोरोना भाइरसको संक्रमित भएका छन् । देशका विभिन्न प्रयोगशालामा गरिएकाे पिसिआर परीक्षणमा क्रममा यी व्यक्तिमा कोरोना भाइरसको संक्रमण पोजिटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जनाएका छन् ।
काठमाडौं उपत्यकामा १०६ कोरोना संक्रमित थपिएकाे मध्ये हालसम्मकै उच्च हो। काठमाडौंमा मात्र ९२, ललितपुरमा १० र भक्तपुरमा ४ जना संक्रमित देखिएका छन्। हालसम्म ७० जना संक्रमितको मृत्यु भएको छ।
याे सहित नेपालमा संक्रमितको संख्या २२ हजार २ सय १४ जना पुगेको छ। साथै ४२५ जना उपचारपछि निकाे भइ डिस्चार्ज भएका छन्। नेपालमा हालसम्म १५ हजार ८ सय १४ जना उपचारपछि निको भएका छन्।
