काठमाडौं । विद्युतीय सवारीका सहज फाइनान्सिङका लागि नेपालको लागि आधिकारिक बिक्रेता साइमेक्स इंक प्रालि र प्रभु बैंकबीच साझेदारी भएको छ । बिवाइडी ब्राण्डको गाडी खरिद गर्न सजिलै कर्जा प्रदान गर्ने उद्देश्यले साझेदारी गरेको कम्पनीले जनाएको छ ।
प्रभु बैंकका उपभोक्ता बैंकिङ्ग प्रमुख वीरेन्द्र भट्ट भन्छन ‘ प्रभु बैंकमा, हामी दिगो विकासलाई समर्थन गर्न प्रतिबद्घ छौं । विवाइडीसंगको हाम्रो साझेदारीले हामीलाई बिद्युतीय सवारी साधनमा स्विच गर्न चाहने ग्राहकहरुको आवश्यकता अनुरुप वित्तिय समाधानहरु प्रदान गर्न सक्षम बनाउनेछ ।’
यस सहकार्य पश्चात् प्रभु बैंकका ग्राहकहरूले अब नेपालका कुनै पनि विवाडी डिलरबाट सवारी साधन खरिद गर्दा प्रभु बैंक लिमिटेडबाट सजिलै ८० प्रतिशतसम्म सम्म कर्जा प्राप्त गर्न सक्नेछन् । सो कर्जा ५ वर्ष अवधीसम्म लिन मिल्ने प्रावधान गरिएको कम्पनीले जनाएको छ । प्रभु बैंकका देश भर ३६५ शाखा, ७१ एक्सटेन्सन काउन्टर र ३०९ एटीएम नेटवर्क छन ।
