काठमाडौं । नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल प्रचण्ड गत पुस १० गते तेस्रो पटक नेपालको प्रधानमन्त्रीमा नियुक्त भए । उनले प्रधानमन्त्री पद सम्हालेको तीन महिना पूरा भइसकेको छ । यो अवधिमा उनले उद्घाटन, लोकार्पण, बैठक, भेटघाट, सभा, सम्मेलन, अवलोकन, निरीक्षण आदि गरी एक सयभन्दा धेरै औपचारिक कार्यक्रमहरुमा सहभागिता जनाएका छन् । उनले प्रधानमन्त्रीमा नियुक्त भएपछि उद्घाटनका कार्यक्रममा भन्दा पनि जनताले प्रत्यक्ष भोग्ने र अनुभूत गर्ने कार्यक्रममा आफू सामेल हुने बताएका थिए । तर, प्रचण्डको तीन महिनाको दौडधुप हेर्दा ५० वटा भन्दा धेरै औपचाकि उद्घाटन कार्यक्रममा सामेल भएको पाइएको छ ।
यस्तो छ उद्घाटको कार्यक्रम :
पुस महिना :
१५ गते काठमाडौंको टँुडिखेलमा तमू ल्होसारको उद्घाटन ।
१६ गते चितवनको भरतपुर–२ स्थित नारायणी नमूना सेकेण्डरी स्कूलको हिरक जयन्तीको उद्घाटन ।
१७ गते पोखराको अन्तराष्ट्रिय विमानस्थलको उद्घाटन ।
२३ गते काठमाडौंमा एकीकृत अखिल नेपाल शिक्षक संगठनको केन्द्रीय समितिको पूर्ण बैठक उद्घाटन ।
२५ गते काठमाडौंमा ग्लोबल आईएमई बैंकको एकीकृत कारोबारको शुभारम्भ समारोह ।
२७ गते गोर्खा महोत्सबको उद्घाटन ।
२९ गते काठमाडौंमा नेपाल हस्तकला महासंघको वार्षिक साधारण सभा उद्घाटन ।
३० गते काठमाडौंमा भुवन दाइ नामक कृति लोकार्पण
माघ महिना :
१ गते काठमाडौंमा थारु समुदायको माघी महोत्सव उद्घाटन, राष्ट्रिय योग दिवस मूल समारोह समितिको आयोजनामा सीटीईभीटी सानोठिमीको समारोह उद्घाटन ।
६ गते शहीद धर्मभक्त राष्ट्रिय प्रत्यारोपण केन्द्र भक्तपुरमा अंगदान गर्ने घोषणामा उपस्थित, नेपाल वैदेशिक रोजगार व्यवसायी संघको २९ औँ साधारण सभा उद्घाटन ।
८ गते काठमाडौंको टुँडिखेलमा तामाङ समुदायको सोनाम ल्होसार उद्घाटन ।
९ गते २२ औँ सशस्त्र प्रहरी दिवसको उद्घाटन ।
१५ गते शहीद गंगालाल राष्ट्रिय ह्दय रोग केन्द्र बाँसबारीको २७ औँ वर्षिकोत्सव उद्घाटन ।
१६ गते शहीद दिवसका अवसरमा लैनचौरस्थित शहीद स्मृति पार्कमा आयोजित श्रद्धाञ्जली सभा ।
१७ गते नेपाल टेलिभिजनको ३८ औं वर्षिकोत्सवको उद्घाटन ।
१९ गते नेपाल ललितकला प्रज्ञा प्रतिष्ठान नक्सालले आयोजना गरेको गठबन्धन नामक चित्रकला प्रदर्शनीको उद्घाटन ।
२० गते सिन्धुपाल्चोकस्थित श्री रत्नराज्य माध्यमिक विद्यालयको ५९ औंँ वार्षिकोत्सवको उद्घाटन ।
२७ गते अख्तियार दुरुपयोग अनुसन्धान आयोगको ३२ औंँ स्थापना दिवस उद्घाटन ।
२९ गते पार्टी कार्यालय पेरिसडाँडामा आयोजित नेपाल दलित मुक्ति मोर्चाको केन्द्रीय समितिको पूर्ण बैठक उद्घाटन, नेकपा माओवादी केन्द्र बागमती प्रदेश समन्वय समितिको दोस्रो बैठक उद्घाटन ।
फागुन महिना :
१ गते पेरिसडाँडामा आयोजित २८औँ जनयुद्ध दिवसको उद्घाटन ।
७ गते राससको ६२ औँ वर्षिकोत्सव उद्घाटन ।
८ गते पोखरामा आयोजित पोखरा विश्वविद्यालयको दीक्षान्त समारोहको उद्घाटन ।
१६ गते ललितपुरको च्यासलमा निर्मित फुटबल रंगशालाको उद्घाटन ।
१९ गते अन्तराष्ट्रिय आयुर्वेद सहासभाको उद्घाटन ।
२३ गते सोलुखुम्बु दुधकोसी जलविद्युत आयोजनाको उद्घाटन ।
२८ गते नेपाल निर्माण व्यवसायी महासंघको २४ औँ साधारण सभाको उद्घाटन ।
२९ गते पद्मोदय माध्यमिक विद्यालयको हीरक महोत्सवको उद्घाटन, एकीकृत अखिल नेपाल शिक्षक संगठनको छैटौंँ राष्ट्रिय माहाधिवेशनको उद्घाटन ।
चैत महिना :
७ गते गते गोरखाको पन्थडिही–कटहरे–हर्मी–साहिलटार सडक उद्घाटन, अन्तर्राष्ट्रिय जातीय भेदभाव उन्मुलन दिवसको उद्घाटन ।
९ गते सामुदायिक रेडियो प्रसारक संघ (अकोराब)को राष्ट्रिय सम्मेलनको उद्घाटन ।
