रियाद । क्रिस्टियानो रोनाल्डोलाई एक खेलमा प्रतिबन्ध लगाइएको छ । साउदी प्रो लिगको खेलमा अल नासरबाट खेल्दा कथित आपत्तिजनक इशारा गरेको आरोपमा उनलाई एक खेलमा प्रतिबन्ध लगाइएको हो ।
अल नासरले आइतवार आफ्नो रियाद प्रतिद्वन्द्वी अल शबाबलाई ३–२ ले हराएपछि भिडियो फुटेजमा रोनाल्डोले आफ्नो कानमा कप लगाएको र बारम्बार आफ्नो श्रोणीको छेउमा हात अगाडि बढाएको देखाइएको थियो ।
साउदी अरेबिया फुटबल महासंघ (साफ)को अनुशासन र आचार समितिले बिहीबार बिहान प्रतिबन्धको घोषणा गरेको हो। अल नासरको अर्को लिग खेल बिहीबार साँझ अल–हाजेमको घरेलु मैदानमा हुँदैछ ।
