काठमाडौं । रौतहट, गढीमाई नगरपालिका-७ धनाडी बस्ने भानु मिया अंसारीको गोठ र कुन्युमा शनिबार राति आगलागी हुँदा करिब १ लाख ५० हजार रूपैयाँ बराबरको धनमाल जलेर नष्ट भएको छ ।
महोत्तरी, रामगोपालपुर नगरपालिका-८ टिकुलियास्थित सोही नगरपालिका-८ बस्ने कमलेश ठाकुरको सैलुनमा शनिबार राति लागेको आगो फैलिएर सन्तोष कुमार साहको किराना पसल र श्याम मण्डलको औषधि पसलमा आगलागी हुँदा तीनै जनाको गरी करिब ९ लाख ५० हजार रूपैयाँ बराबरको धनमाल जलेर नष्ट भएको छ ।
सर्लाही, हरिपुर नगरपालिका-२ भक्तपुर टोल बस्ने बलराम दमाइको घरमा शनिबार दिउँसो आगलागी हुँदा करिब ७ लाख १३ हजार रूपैयाँ बराबरको धनमाल जलेर नष्ट भएको छ ।
प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
