काठमाडौं / चीनको सान्या शहरमा आज अर्थात मंसीर २२ गते डिसेम्बर ८ मिस वल्र्ड प्रतियोगिताको फाईनल हुने भएको छ । आज विश्वकै कुन देशले मिस वल्डको क्राउन लैजान्छ भन्ने कुराको टुंगो लाग्छ ।
निर्मला र श्रृंखला दुबै नेपालको छोरी हुन् । आज नेपाली महिलासँग सम्बन्धीत दुइ प्रदर्शन हुँदैछन् । माइतीघर मण्डलामा निर्मला पन्तको न्यायका लागि न्यायप्रेमीहरुको प्रर्दशन हुदैँछ भने मिस वल्र्डको क्राउनका लागि आज श्रृंखलाले आफ्नो सुन्दरता तथा प्रतिभा प्रदर्शन गर्ने भएकी छिन् ।
श्रृंखलाले आँफुलाई जिताउन विशेष आग्रह गर्दै भोट मागीरहेको दृश्यले अहिले व्यापक रुपमा चर्चा पाइरहेको छ । सामाजिक सञ्जालमा जताततै श्रृंखलाको लागि भोट मागिएको छ । निर्मलाको न्यायको लागि चलिरहेको न्यायप्रेमीहरुको न्यायको लागि गरिएको प्रदर्शनले पनि निक्कै चर्चा पाएको छ ।
निर्मलाको न्याायको लागि प्रदर्शन गरिरहेका कतिपय अभियान्ताले भने श्रृंखलालाई भोट दिन नसक्ने भन्दै सामाजिक सञ्जालमा प्रतिक्रिया दिएको पनि पाइन्छ ।
यसैबिच श्रृंखलाका बुबा विरोध खतिवडा र आमा मुनु सिग्देलसँगै उनका आफन्तहरुको २० जनाको टोली श्रृखलालाई उत्साह दिन र मिस वल्र्डका ताज नेपाल ल्याउन भन्दै त्यसतर्फ गइसकेका छन् ।
