काठमाडौं / सरकारले आज सोमवार सार्वजनिक गरेको आर्थिक सर्वेक्षण २०७५/०७६ अनुसार २ सय १८ उद्योगमा ११ अर्ब लगानी गरिएको छ । आठ महिनाको तथ्याङ्कको आधारमा आर्थिक सर्वेक्षण अनुसार फागुनसम्ममा १ सय १८ उद्योगमा ११ अर्ब रुपैयाँ लगानी प्रतिबद्धता आएको र करिब ८ हजारले रोजगारी पाउने अर्थ मन्त्री युवराज खतिवडाले जानकारी गराए । सोमवार संसदमा आर्थिक सर्वेक्षण पेश गर्दै उनले ‘आर्थिक वर्ष २०७५÷७६ को फागुनसम्म २१८ उद्योगहरुमा ११ अर्व लगानी प्रतिबद्धता भई थप ७ हजार ९ सय ५३ रोजगारी सिर्जना हुने अनुमान छ’ भने । उनले उद्येगमा लगानी गर्न स्वदेशी एवंम विदेशी लगानीकर्ताको उत्साहजनक सहभागिता रहेको समेत जानकारी दिए ।
